Product Summery

ലോകത്തിന് കാരുണ്യമാണ് തിരുനബി(സ്വ). അവിടുത്ത ജീവിതം ഏവര്‍ക്കും മാതൃകയുമാണ്. നബി(സ്വ)യുടെ ജീവിതത്തിലെ ഓരോ ദിനങ്ങളുമെന്ന തോതില്‍ ചരിത്രമാക്കപ്പെട്ടിട്ടുണ്ട്. പ്രസ്തുത ചരിത്രം മറ്റുള്ളവരുടേതില്‍ നിന്ന് ഭിന്നമാണ്. കാരണം അല്ലാഹുവിന്റെ കാവലിലാണ് ജീവിതത്തിലെ മുഴുസമയവും നബി തിരുമേനി ജീവിച്ചത്. അതിനാല്‍ തന്നെ ആ ജീവിതത്തില്‍ അബദ്ധങ്ങളില്ല. തിരുനബിയുടെ പിറവി മുതല്‍ മരണം വരെയുള്ള ചരിത്രം ഭംഗിയായി ഇതില്‍ വിവരിച്ചിരിക്കുന്നു. അവസാന ഭാഗത്ത് പ്രവാചക പത്‌നിമാരെയും മക്കളെയും ഖുലഫാഉ റാഷിദുകളെയും സ്വര്‍ഗം കൊണ്ട് സന്തോഷമറിയിക്കപ്പെട്ട പത്തു പേരെയും പരിചയപ്പെടുത്തിയിരിക്കുന്നു. വായനക്കാര്‍ക്ക് ഏറെ ഉപകാരദായകമായ ഈ കൃതി അബ്ദുല്ലത്തീഫ് സുല്ലമി മാറഞ്ചേരിയാണ് തയ്യാറാക്കിയത്. നബി ചരിത്രത്തിലെ വേറിട്ട വായന.