Product Summery

അറിവിന്റെയും യാത്രയുടെയും ലോകം ഒരു പുഴ പോലെ യാണ്, അത് സദാ ഒഴുകിക്കൊണ്ടേയിരിക്കുന്നു. എന്നാൽ, ചില പുസ്ത‌കങ്ങൾ ആ പ്രവാഹത്തിൽ ഒരു കടൽ പോലെയാണ്, അത് തനിച്ചൊരു ലോകം തന്നെ തീർക്കുന്നു. 'മുഹമ്മദ് ഷഫീഖ് മുസ്ത്വഫയുടെ ചരിത്രയാത്ര; നജ്‌ദ് മുതൽ ഹിജാസ് വരെ' എന്ന ഈ പുസ്‌തകം അത്തരത്തിലൊരു കടലാണ്. കാലത്തെ യും ദേശത്തെയും കടന്ന് അറേബ്യൻ മണലാരണ്യങ്ങളുടെ ആത്മാവിലേക്ക് നമ്മെ നയിക്കുന്ന, നമ്മൾ അറിയേണ്ടുന്നതായ ഒരു അത്ഭുതലോകം. ഇത് കേവലം ഒരു സഞ്ചാരക്കുറിപ്പല്ല, മറിച്ച്, ആധുനിക അറേബ്യൻ ഉപദ്വീപിൻ്റെ ചരിത്രത്തിൻറെയും സംസ്കാരത്തിന്റെയും രാഷ്ട്രീയത്തിൻറെയും നേർചിത്രം നഗ്‌ന നേത്രങ്ങൾകൊണ്ട് രേഖപ്പെടുത്തിയ ഒരു നൂറ്റാണ്ട് പിന്നിടുന്ന ഇതിഹാസ രേഖയാണ്. മുഹമ്മദ് ഷഫീഖ് മുസ്‌ത്വഫ രചിച്ച ഈ ഗ്രന്ഥത്തിൻ്റെ പരിഭാഷ നിർവഹിച്ചത് ഡോ. ഇ. യൂസുഫ് സാഹിബ് നദ്‌വിയാണ്.